Ghazee muqeem.e saaHil.e darya hai aaj tak

01 Mar 2007 Leave a Comment

by Jawaid Badayuni in Imam Husain(a.s.) Qasaaiid aur Salaam

 

Ghazee muqeem.e saaHil.e darya hai aaj tak

yAAni usee ka nahr pe qabza hai aaj tak

aaqa kahe jo apne biraather ko saari umr

aaNkhoN ne aisa bhaaii nah dekha hai aj tak

tum ne kiya tha waar jo Ghaazee ki pusht per

daaman pe buzdili ka woh dhabba hai aaj tak

apnoN ka mulk ho ya kisee Ghair ka watan

sikka tiree wafaooN ka chalta hai aaj tak

tareeKh hai gawaah kisee tishna kaam ne

chullu meN leke aab nah pheka hai aaj tak

paani piya nah jis ne woh sairaab ho gaya

such poochiye tou darya hi pyaasa hai aaj tak

maula qubool kijiye jaisa bhi hai kalaam

“Jawaid” funne madH meN kachchaa hai aaj tak